የመረጃ ነፃነት አዋጅ

🔸የህዝብ ተወካዮች ምክር ቤት ባካሄደው 14ኛ መደበኛ ስብሰባው የመረጃ ነፃነትን ለመደንገግ የቀረበለትን ረቂቅ አዋጅ መርምሮ ለዝርዝር እይታ ለዴሞክራሲ ጉዳዮች ቋሚ ኮሚቴ መርቷል።

🔸የምክር ቤቱ አፈ-ጉባኤ ታገሰ ጫፎ በሰጡት ማብራሪያ ቀደም ሲል በነበረው አዋጅ የመረጃ ነጻነትን እና መገናኛ ብዙኃንን የሚመለከቱ ድንጋጌዎች በአንድ አዋጅ መውጣታቸው የመረጃ ነጻነት ሕግ በተገቢ ሁኔታ፣ በተሟላ የአስተዳደር ስርዓት እና በአፈጻጸም ግልጽነት እንዳይቀርብ በማድረጉ እና ከቴክኖሎጂ እድገት ጋር በማጣጣም የመረጃ ነጻነት አዋጅ ራሱን አስችሎ ማውጣት አሰፈላጊ በመሆኑ ረቂቁ የቀረበ መሆኑን ገልጸዋል።

🔸አፈ-ጉባኤው አክለውም፣ ማንኛውም ሰው በመንግሥት አካል እጅ የሚገኝ መረጃ የመጠየቅ፣ የማግኘትና የማሰራጨት ነጻነት ይበልጥ በማረጋገጥ ግልጽነትንና ተጠያቂነትን ለማስፈን ኢትዮጵያ በተቀበለቻቸው ዓለም አቀፍ የሰብአዊ መብት ስምምነቶች የተረጋገጠውን የመረጃ ነጻነት ይበልጥ እውን ለማድረግ ስርዓት መዘርጋት በማስፈለጉ የቀረበ መሆኑንም አብራርተዋል።

🔸የምክር ቤት አባላቱም ረቂቅ አዋጁ የሚመራለት ቋሚ ኮሚቴ ትኩረት ሊያደርግባቸውና በዝርዝር ሊመለከታቸው ይገባል ያሏቸውን አስተያየቶች የሰጡ ሲሆን ምክር ቤቱም የቀረበውን ረቂቅ አዋጅ ለዝርዝር እይታ ለዴሞክራሲ ጉዳዮች ቋሚ ኮሚቴ በሙሉ ድምፅ መርቷል።

#EBS
#EBSTVNEWS
#EBSTVSPORT
#_7696_WN
https://t.me/ebstvnews