በመቐለ ከተማ አስተዳደር ሥር በሚገኙ ሁሉም ትምህርት ቤቶች የመማር ማስተማር ሥራ በድጋሚ መጀመሩ ተገለጸ።

ተቋርጦ የቆየው የትምህርት ሂደት እንደገና መጀመሩ ተማሪዎች ወደ ትምህርት ገበታቸው እንዲመለሱና የተቋረጠው የትምህርት ሥራ እንዲቀጥል ዕድል ፈጥሯልም ተብሏል።

በከተማዋ የመማር ማስተማር ሥራ ከዛሬ ጥቅምት 16 ቀን 2019 ዓ.ም ጀምሮ በድጋሚ የተጀመረ ሲሆን ይህም በትምህርት ላይ የተፈጠረውን መቆራረጥ በማስወገድ ተማሪዎች ትምህርታቸውን እንዲያስቀጥሉ ያግዛል ነው የተባለው።

ዛሬ በመቀሌ ከተማ የትምህርት ተቋማት ወደ መደበኛ አገልግሎታቸው መመለሳቸው የተማሪዎችን የትምህርት ቀጣይነት ለማረጋገጥ አስፈላጊ እርምጃ መሆኑንም ይክልሉ ባለአደራ አስተዳደር ጠቅሷል፡፡

የመቐለ ከተማ ከንቲባ ሽሻይ አማረ ጥቅምት 16 ቀን 2019 ዓ.ም የመማር ማስተማር ሂደት ለመጀመር የሚያስችል ዝግጅት መጠናቀቁን መግለጻቸው የሚታወስ ሲሆን መምህራንና ወላጆች የትምህርት ሥራው በስኬት እንዲቀጥል የበኩላቸውን ሚና እንዲወጡ ጥሪ ማቅረባቸውም ተመላክቷል።