ሩሲያ በዩክሬን ላይ አዲስ እና መጠነ ሰፊ ወታደራዊ ጥቃት ለመሰንዘር እየተዘጋጀች መሆኗን ፕሬዝዳንት ቮሎድሚር ዜሌንስኪ ገለፁ።

ፕሬዝዳንቱ በተባበሩት መንግሥታት ድርጅት ጉባኤ ጎን ለጎን ከእንግሊዙ ጠቅላይ ሚኒስትር አንዲ በርንሃም ጋር በተወያዩበት ወቅት፣ የሩሲያን አዲስ የጥቃት ዝግጅት የሚያሳይ የስለላ መረጃ ማግኘታቸውን ገልጸዋል።

ዩክሬናውያን በየዕለቱ በሚሳኤልና በድሮን ጥቃት ስጋት ውስጥ በሚገኙበት በዚህ ወቅት፣ በሞስኮ ላይ የተጣሉ ማዕቀቦችን ማንሳት በፍጹም ተቀባይነት የለውም ሲሉ ዜሌንስኪ አሳስበዋል።

ከዚህ በተጨማሪ ዜሌንስኪ ከአሜሪካው ፕሬዝዳንት ዶናልድ ትራምፕ ጋር በኒውዮርክ ተገናኝተው በኢነርጂ ተቋማት ላይ የሚደረጉ ጥቃቶችን ለማቆም በሚያስችሉ መንገዶች ላይ መምከራቸው ተነግሯል።

የሩሲያው ፕሬዝዳንት ቭላድሚር ፑቲን በጦር ሜዳው በማሸነፍና በመሸነፍ መሃል ቢሆኑም፣ ጦርነቱን በድርድር ለማቆም ፍላጎት የላቸውም ሲሉ ዜሌንስኪ አክለው ገልጸዋል።